برمودا تحت العباه والسيقان طالعه خير ان شاء الله ... .

بسم الله الرحمن الرحيم

في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..

كانت البنت لين البست عباه مطرزه مزخرفه ملونه قلنا عنها صايعه ومش متربيه .. او ماوراها اهل ورجاجيل ..
بس مو اي بنت حاطه لون اصفر ولا اخضر نقول عنها صايعه.....
كل بنت وتربيت ولدينها الها دور.
اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديث عنها لاينتهي ..

عموما .. انا ماودي اتطرق واتكلم في امور قديمه ياما تكلمنا عنها ..

لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا القصير تحت العباه .. وياريت تكون العباه مسكره ..

الا مفتوحه وتظهر السيقان وفرجه للكل ..

يعني ودي اعرف شهدف الفتاه لما تلبس برمودا والسيقان طالعه ووتمشي في المجمع وبكل ثقه ؟؟

واللي يرفع الضغط لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قلله ادب ومش متربي وووو .... الخ ..

طيب اذا اهو قليل ادب انتي وشو تناظرين ؟؟ انتي ماحترمتي نفسك ولا حشمتي الموجودين بالمكان

ليش تتوقعين من الشباب يحترمونك ولا يسون لك حساب؟؟

والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟

اوكي خل الاهل على جنب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالأشياء صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟

وانا ابصارحكم صحيح ان عباتي الي البسها كتف وفيها لون اصفر لكن بل مقول

العبايه وسيعه ومرتبه وساتره..

واسمحولي اذا طولت عليكم ..

بانتظار مشاركاتكم وارائكم بالموضوع
باااااااااااااااااااااااااااااااي..

ويش نقول ويش نتكلم
الدعوه تعنانه من زمان

تسلم خيو ع الرد. ..
نورت موضوعي .. .
بااي. ..

يسلمو على الموضوع..

تسلميييييين خيتو ع الرد الحلووووو..